Amelyorasyon Sistèm Dlo Prensipal Miami Beach la Ap Pote Chanjman Tanporè nan Trafik

Miami Beach, Florid – Yo pwograme pou yo kòmanse yon gwo ranplasman ak amelyorasyon yon tiyo dlo prensipal ki gen plis pase 60 an nan katye Mid Beach nan vil la pita nan mwa sa a, avèk modèl trafik tanporè an vigè omwen jiska 16 septanm sou koridò 41 Street la. Yon seremoni lansman pwojè a pral fèt nan dat... Vandredi 12 avril a 10è nan maten nan plas Henry Liebman, ki sitiye nan 3180 W 41yèm Ri, Miami Beach, Florid 33140.

“Li enpòtan anpil pou nou bay priyorite a enfrastrikti ki souvan pa vizib epi ki fòme kolòn vètebral vil nou an,” Majistra Miami Beach, Steven Meiner, te eksplike. “Amelyore enfrastrikti ki fin vye yo se yon eleman esansyèl nan sekirite piblik ki enpòtan pou lavi chak jou nou, epi yo prevwa nouvo tiyo dlo prensipal la ap dire ant 70 ak 100 ane.”

Yon fwa enstalasyon an fini pita nan ane sa a, nouvo tiyo 20 pous la ap kapab satisfè bezwen dlo vil la pou yon bon bout tan. Enstalasyon an, ki pral soti Pine Tree Drive rive Collins Avenue, pral ranplase yon tiyo 16 pous ki te enstale an 1963.

Depatman Transpò Florid la te mande pou vil la retire tiyo dlo prensipal ayeryen ki anlè Indian Creek Waterway la kòm yon pati nan yon pwojè reparasyon finanse pa leta pou State Road 112/West 41 Street. Se vil la ki pral peye amelyorasyon tiyo dlo prensipal la ki koute $3.3 milyon dola.

Vil la pral itilize yon foraj direksyonèl orizontal pou travay la, ki se yon metòd san tranche yo itilize pou enstale tiyo anba tè ki lakòz sèlman yon ti dezòd sou sifas la.

Chanjman trafik tanporè sa yo ap antre an vigè apati de 22 avril - 22 me.

• Yo pral redwi a yon sèl liy sou 41yèm Ri ki pral ale nan direksyon lwès ant Pine Tree Drive ak Indian Creek Drive.
• 41yèm Ri ki prale nan direksyon lwès ant Indian Creek Drive ak Collins Avenue pral fèmen pou trafik ki prale nan direksyon lwès. Pral gen yon detou an vigè.
• 41yèm Ri a, soti Collins Avenue rive nan bout ri lès la (Beachwalk), pral ouvè sèlman pou trafik lokal la.
• Indian Creek Drive nan direksyon sid soti nan lari 41 pou rive nan lari 44 pral redwi a de liy — yon liy pou vire adwat sèlman ak yon liy pou vire tou dwat/agoch.

Chanjman trafik tanporè sa yo ap antre an vigè apati de 22 - 24 Me:

• Yo pral redwi a yon sèl liy sou 41yèm Ri ki pral ale nan direksyon lwès ant Pine Tree Drive ak Indian Creek Drive.
• Ri 41 la, soti Indian Creek Drive rive nan bout lari a ki bay sou lès (Beachwalk), pral fèmen pou tout trafik.
• Avni Collins nan entèseksyon 41yèm Ri a pral fèmen pou tout trafik.
• Indian Creek Drive soti nan lari 40-41 yo pral redwi a yon sèl liy nan direksyon nò ak yon sèl liy nan direksyon sid.
• Indian Creek Drive nan direksyon sid soti nan lari 41 pou rive nan lari 44 pral redwi a de liy — yon liy pou vire adwat sèlman ak yon liy pou otomobilis k ap woule tou dwat.

Chanjman trafik tanporè sa a pral an vigè apati de 28 me - 16 septanm:

• Otowout 41yèm Ri ki pral nan direksyon lwès la pral redwi a yon sèl liy ant Pine Tree Drive ak Indian Creek Drive.
• Wout 41yèm Ri ki prale nan direksyon lwès la pral fèmen pou trafik ki prale nan direksyon lwès ant Indian Creek Drive ak Collins Avenue.
• 41yèm Ri a, soti nan Collins Avenue nan direksyon lès rive nan bout lari a (Beachwalk), pral ouvè pou trafik lokal sèlman.
• Otowout Indian Creek Drive nan direksyon sid soti nan lari 41 pou rive nan lari 44 pral redwi a yon sèl liy kote chofè yo ka swa ale tou dwat oswa vire.

Orè travay yo ka chanje.

###