Manm medya yo ak piblik la envite pou yo vin jwenn otorite Miami Beach yo pou yon seremoni koupe riban nan dat... Vandredi 19 me a 10:30 am pou make fini pwojè $2.8 milyon dola Brittany Bay Park Living Shoreline la ansanm ak gwo amelyorasyon pak la.

Pwojè pak lineyè a te vin posib grasa Pwogram Obligasyon Jeneral Miami Beach (GO) an patenarya avèk The Nature Conservancy (TNC) epi sipò Florida Power and Light Company (FPL) atravè branch charitab li a, NextEra Energy Foundation.

“Litoral vivan yo ede jere inondasyon kotyè yo lè yo konbine pwoteksyon ki baze sou lanati tankou mangròv ak marekaj retabli avèk solisyon efikas ki fèt pa moun tankou miray lanmè an beton,” Majistra Miami Beach, Dan Gelber, eksplike. “Sa a se youn nan zouti ki pi ekolojik nou genyen pou jere menas ki asosye ak ogmantasyon nivo lanmè yo.”

Pwojè a make dezyèm kolaborasyon enfrastrikti vèt-gri avèk The Nature Conservancy. FPL te kontribye $150,000 nan pwojè a.

“Li toujou rekonpanse anpil pou nou remonte manch nou epi travay ansanm ak Vil Miami Beach ak Nature Conservancy – sitou sou yon pwojè konsa ki kreye yon rivaj vivan ki rezistan men entèaktif nan Brittany Bay Park,” te di Kate MacGregor, Vis Prezidan Sèvis Anviwònman FPL la. “FPL fyè dèske li patisipe nan amelyorasyon dirab ki pral pèmèt rezidan yo ak vizitè yo jwi Brittany Bay Park pandan plizyè ane kap vini yo.”

Rivaj vivan yo ansanm ak dig yo pa sèlman pwoteje kominote lokal la kont ogmantasyon nivo lanmè a ak enpak move tan, men tou, retabli epi amelyore abita natirèl pou zwazo, pwason ak lòt lavi maren, epi bay moun aksè enpòtan nan lanati.

“Aplike solisyon ki baze sou lanati tankou litoral vivan epi kolabore kole kole ak patnè ak kominote yo enpòtan anpil pou ranfòse rezistans klima a,” James Byrne, Direktè Estrateji, The Nature Conservancy nan Florid, te ajoute. “Nou kontan anpil pou nou wè pwojè ki gen anpil enpak sa a fini. Ansanm, nou ka avanse sou adaptasyon klima a pandan n ap adrese tou faktè fondamantal chanjman klima a pou sipòte yon avni ki solid.”

Brittany Bay Park Living Shoreline konekte idwolikman ak Indian Creek avèk yon pwen de vi panoramique aksesib pou ADA ki pèmèt vizitè pak yo mache soti nan pak la rive nan miray lanmè a. Anplis nouvo pyebwa, ti pyebwa ak kouvèti tè, tout ekipman egzèsis nan pak la te ranplase ak nouvo ekipman.

Yo enstale nouvo chemen pyeton ak ekleraj ansanm ak nouvo mèb, ban ak resipyan pou fatra/resiklaj. Brittany Bay Park sitiye nan antre ki pi sid nan North Beach toupre pon leve 63 Street la.

Miami Beach gen apeprè 55 mil litoral, pami yo anviwon 91% tonbe sou pwopriyete prive. GO Bond vil la angaje $10 milyon dola pou miray maren rezistan ak litoral vivan sou pwopriyete piblik. Travay sou Pwojè Rivaj Vivan Brittany Bay Park la te fèt pa Florida Construction & Engineering, Inc.

Elaji enfrastrikti ki baze sou lanati se yon aksyon kle nan Estrateji Resilient305 la, yon patenarya inik ant Vil Miami Beach, Konte Miami-Dade, ak Vil Miami. Pwojè Brittany Bay la demontre kijan enfrastrikti vèt la ka entegre nan yon anviwònman iben dans epi li se yon lòt egzanp angajman vil nou an pou aplike Rapò ak Rekòmandasyon Gwoup Travay Biscayne Bay la.

 

KISA: Koupe Riban Pak Brittany Bay la

KILÈ: Vandredi 19 me a 10:30 am

KI KOTE: 70 Indian Creek Drive

 

###