STRIVE305 Samdi Ti Biznis la bay Antreprenè Lokal yo pouvwa grasa Enfòmasyon sou Pwogram Prè RISE a (Rezime Evènman an)

STRIVE305 Samdi Ti Biznis la Bay Antreprenè Lokal yo Pouvwa
avèk RISE Loan Program Insights

Nan dat 19 oktòb 2024, Miami Beach ak Inisyativ STRIVE305 Konte Miami-Dade la te òganize yon evènman Samdi Ti Biznis nan Bibliyotèk Rejyonal Miami Beach la. Tèm evènman an sete otonòmizasyon finansye pou antreprenè lokal yo, epi li te konsantre sou sipòte ti biznis yo ak ankouraje yon ekonomi lokal ki pwospere.

Oratè prensipal la sete George Joseph, Prezidan ak Direktè Jeneral Dade County Federal Credit Union. Mesye Joseph te prezante Fon Miam-Dade RISE (Re-Investing in our Small Business Economy) ("Pwogram Rise"). Pwogram RISE a konsiste de prè aksesib ak finansman abòdab ak fleksib (jiska $75,000) ki kreye pou ti biznis lokal Miami-Dade yo, patikilyèman biznis ki te gen difikilte pou jwenn prè konvansyonèl yo. Pwogram RISE a bay sipò finansye esansyèl, ki pèmèt pwopriyetè biznis yo envesti nan ekipman, anboche anplwaye, epi kouvri depans fonksyònman yo. Opsyon fleksib ak enterè ki ba nan Pwogram Rise a pèmèt biznis yo grandi, kreye djòb, epi reenvesti nan kominote lokal yo.

Patenarya Vil Miami Beach ak Konte Miami-Dade la mete aksan sou yon efò estratejik pou kraze baryè finansye yo epi sipòte kwasans dirab ti biznis yo. Lè yo ofri antreprenè yo solisyon finansye pratik atravè pwogram prè RISE a, evènman an te bay patisipan yo resous pou asire yon avni finansye ki pi estab epi bati rezistans nan mache konpetitif jodi a.

Evènman an te premye nan yon seri anba inisyativ STRIVE305 la, ki vize kondwi devlopman ekonomik epi bay pwopriyetè biznis yo zouti pratik. Pou plis enfòmasyon sou Pwogram RISE a epi pou w eksplore kijan li ka sipòte objektif biznis ou yo, vizite dcfcu.org/risePwochen evènman STRIVE305 Small Business Saturday la ap fèt 9 novanm 2024 nan Coral Gables nan Books & Books.