Yon espas travay ki an sekirite epi ki an sante

YON TRAVAY KI AN SEKIRITE E KI AN SANTEPDANTÈL

Règleman Vil Miami Beach la se ke Sekirite se yon bagay ki gen anpil enpòtans. Pa gen anyen ki ka ranplase "Fason ki an sekirite a", epi pa gen okenn eskiz pou pa fè yon travay "nan fason ki an sekirite a". Nan travay ou, ou oblije swiv règ sekirite ki an vigè yo epi mete ekipman sekirite yo bay la.

Sepandan, aksidan rive detanzantan epi si ou blese nan travay ou ak nan pèfòmans devwa ou, epi ou pa ka travay akòz aksidan sa a, ou ka resevwa peman Konpansasyon Travayè dapre Lwa Eta a. Anplis de sa, si ou swiv pwosedi ki apwopriye yo pou rapòte yon aksidan, pou resevwa tretman medikal, epi ou pa vyole okenn règ oswa règleman sekirite, Vil la ka konplete peman ou pou fè ou rive nan salè konplè a dapre kontra sendika a oswa òdonans vil la. Biwo Jesyon Risk la sitiye nan twazyèm etaj City Hall la. Yo akeyi epi ankouraje nenpòt sijesyon ou ka genyen sou sekirite epi yo ka reponn kesyon ou yo sou Konpansasyon Travayè ak lòt domèn ki gen rapò.