Konje Anyèl ak Konje Maladi

Anplwaye yo kalifye pou konje apre sis mwa travay kontinyèl aplentan oswa a tan pasyèl, oubyen lè yo fini peryòd esè inisyal la.
Yo ka itilize konje anyèl la pou vakans ak pou zafè pèsonèl. Anplwaye regilye ki a tan pasyèl, ki klase ak ki pa klase, akimile lè prorata pou konje anyèl ak konje maladi. Yo touche lè sa a chak de semèn. Anplwaye regilye ki klase ak ki pa klase a plen tan akimile 96 èdtan konje anyèl ak 96 èdtan konje maladi pa ane pandan dis premye ane travay yo.

Konje anyèl la ogmante jan sa a: apre dis ane sèvis aplentan, anplwaye yo akimile 136 èdtan konje pa ane.; Apre 20 an sèvis aplentan, anplwaye yo akimile 176 èdtan konje pa ane. Nan fen chak ane pewòl, anplwaye yo p ap gen dwa akimile plis pase 500* èdtan konje vakans (anyèl). Nenpòt èdtan ki depase maksimòm sa a ap pèdi nan premye peryòd peman ki fini an janvye. (*Maksimòm anyèl yo ka pi wo oswa pi ba jan sa defini nan kontra sendika respektif yo.) Akimilasyon konje maladi pa ogmante.
(Anplwaye sendika ponpye ak lapolis yo ta dwe al gade kontra sendika respektif yo.)